Friday, October 1, 2010

මතවාද වලින් ඔබ්බට

ලංකාවේ මතවාදයක් යනු සියල්ල උඩින් ගෙනවිත් අත හරින ඒවාය. ඒවා ආනයනය නොකළ විට ලංකාවේ දේශපාලන විල සිඳී යයි. මෙම සිඳීයාමේ ඛේදවාචකය තුළ පෙනහැලිත් ඇති, කරමළුත් ඇති මාළුවෝ පමණක් ජීවත් වෙති.. මොවුන් කරන්නේ කෙසෙ‍් හෝ ජීවත්වීම පමණි. සුනිල විලක් බවට ලංකාවේ දේශපාලනික විල පත් කරන්නට මේ මාලුවන්ට බැරිය.

ඒ සදහා මිනිස් මැදිහත්වීම් අවශ්‍ය වේ. මිනිස් යනු නිර්මානශීලිත්වයට තවත් නමකි. නිර්+මාන යනු මානයක් නැති යන අරුත් ගනී. මෙහි මාන යනු ආඩම්බරකම යන්නට තවත් වදනකි. ආඩම්බරකම ඇති කරගන්නේ නැති දේවල් වලට මිස ඇති දේවල් වලට නොවේ. කුරුටුගාමී පක්ෂයව සිටින එක්ස් සහ තවත් කණ්ඩායම් ආඩම්බරකාරී විදියට (හීනමානයකි) ආනයනික මතවාද වලින් දමා ගසා තුවාල වූවෝද බොහොමයක් පසුගිය කල විය. මේ තුවාල හොඳ වූයේ ද නැත. පහරදුන්නෝ අත ඇති ආයුධ වලට පතරොම් ආනයනය කරගත නොහැකිය එම ආයුධ වලින් මිනිසුන් බෑම කර බොහෝ දෙනා තවත් දෙනා අන්දමින් වසති. ආනයනික යුරෝපා මාක්ස්වාදය නිදහස් පක්ෂයේ එල්ලී ඇතුලටම ගොස් අවසන්ව ඇත. ආනයනික සෝවියට් මාක්ස් ලෙනින්වාදය ගම් කෙළවරට ගොස් නගර වල ලුම්පන් පන්තිය අභිබවා ගොස් දැන් මහින්දගේ ඔඩොක්කුවේ ද සිට සමාජ රෝග වැළඳ මරණාසන්නව ඇත. ගොඩගත නොහැක.

නලින් ද සිල්වාගේ ආනයනික බදුදහමේ මතවාදය මිනිසුන් මරමින් එම ක්‍රමය තුල ඔවුන් ආගම භාවිතා කරමින් සිරකරුවන් කරමින් සිටියි. මෙය ද අතිශයින් භයානක ආනයනික මතවාදයකි. ආනයනික මතවාද වලින් ලංකාව මෙසේ විනාශ වී ඇත්තේ කුමක් නිසාද? ලංකාවේ පළමු ආනයනික මතවාදය වන බුදුදහම ගනිමු.. ලංකාවේ මේ වන විටද කිසිදු ආකාරයේ සාර්ථක ශිෂ්ඨාචාරගතවීමකට ඉඩ නොතබමින් එය මිනිසුන් බාගෙට ලෙඩ කරවමින් සිටී.

යටත්විජිත සමයේ ගෙනා ආනයනික ව්‍යුහයන් නිසා කිසිදු වෙනසක් සිදු නොවී තවමත් ජනතාව පීඩාවට පත් කරවමින් සිටී. වැරැද්ද ඇත්තේ කොතනද? රෝහණ විජේවීර රුසියාවෙන් එලවීමේ කොමියුනිස්ට් පක්ෂ තරහව පිරිම්‍මැසීමට ගොඩනැගූ ජවිපෙන් ද, වෙනස් යමක් කර විජ්ජා පෙන්වීමට සම සමාජ කාරයින් ගෙනා සම සමාජයෙන්ද, පළක් වී නැත. ධනේෂ්වර ක්‍රමය ගෙන ආ සහ විවෘත ආර්තිකය ගෙනා ආ පාදඩ පිරිස් වලට ද උවමනාව තිබුනේ සූරාකෑම පමණි.

යම් මතවාදයක් ආනයනය වූවාට කම් නැත. එය රටට ගැලපෙන ලෙස සකස් විය යුතු වේ. උදාහරණ දෙන්නෝ බුදු දහම එසේ වූවා යැයි කියත් නම් එය එසේ නොවේ. බුදු දහම තරම් ලංකාවේ සමාජ ප්‍රගමණයට වින කටින කිසිවක් නැත. රටට ගැලපෙන ලෙස සකස් නොවීමේ ඛේදවාචකය කුමක්ද? ඉතා...ම සරල දෙය නම් පොදු ජනතාවට අනවශ්‍ය වීමයි. ඉන් එහාට දෙයක් නැත.

පොඩි දරුවන්ට බෙහෛත් පොවන්නා සේ ඇතම් මතවාදයන් දිය යුතු වුවත් ඒ බෙහෙත්පමණි. කෑම දිගටම කවන්නට නොහැකිය. පොදු ජන අවශ්‍යතා වෙනුවෙන් මේ එකදු මතවාදයක් හෝ පෙනී සිටියේ නැත. අසූ වසරක වාමාංශික කුඩුකේඩුකම්, තිස් වසරක ග්‍රාම්‍ය ජවිපෙ මෝඩකම් වලටත් වඩා දැන් හිස ඔසවා ඇති වර්ගෝත්තමවාදී වැඩවසම් සිංහල බෞද්ධ මතවාදයන් කිසිවක් පොදුජනතාව නියෝජනය කළේ නැත.

ඔවුන් පොදු ජනතාවවට මල් වට්ටිය අත ගැස්සුවා පමණි. පොදු ජනතාව දන්නා පිංකමක් හෝ බුදුන් වැදීමක් නැත. පොදු ජන ඓන්ද්‍රිය දේශපාලිනක මතවාදයක් ගොඩ නගන්නේ කෙසේද කියා අදහසක් නොවිනි. අවසාන හොරකම් කළ ජනාධිපතිවරණයේදී මෙම භාවිතයන් සිය්ල වෙනස්ව මෙතෙක් කල් සමාජයේ සංස්කෘතික දෙයක්ව තිබුණු "කළගුණ සැලකීම " පවා මතවාදයක්ව විසිරුනි. එය ජනතාවගෙන් ගෙන ජනතාවට දමා ගසන ලදී.
මේ සියළු උත්සාහයන් හිඟන මධ්‍යම පාන්තික උත්සාහයන් පමණි. මේ කිසිවක් දේශපාලනික උත්සාහයන් නොවේ.. දේශපාලනික උත්සාහයන් සදහා සැබෑ පොදු මිනිසුන් කියවිය යුතුවේ. මේ බිමේ ඇවිදින, කරක් ගහන මිනිසුන්ගේ හෘදය එලියට ගත යුතු වේ. මේ සදහා වන දේශපාලනික ප්‍රවේශයන් අවශ්‍යව තිබේ.

ජනතාව තේරුම් ගැනීම මතවාද වලට වඩා වටින්නේ ඒ නිසාය. තේරුම් ගන්නා ඩලස් ලා විමල් ලා කරන්නේ නැවතත් ඔවුන් ඇන්දවීමයි. ඇන්දවීමෙන් ඔබ්බට මිනිසුන් වෙනස් වන දේශපාලනයක් සදහා වන රට කියවීම අත්‍යවශ්‍යව ඇත.

-විශ්ව උයන්ගොඩ-

Sunday, August 1, 2010


නමුනුකුල පා මුල
කහ මලක්..

සැදෑ හිරු
යෝධ කළු කඳු වලල්ලෙන්

වැසෙන

ජලාශය අද්දර
වල් ඌරෙක්
දිය බොයි.....

හරිත කඳු
නීල අහස අස

ශ්වේත වළාකුළු

Monday, July 5, 2010

සුදු බණ්ඩාගේ කතාව

Sදු Bන්ඩා හවස මී හරකුන් දක්කාගෙන කන්ද උඩහට ආවේය. කඳුකර අවුවට හසුව කළුවන් මුහුණැතිව Sදු Bන්ඩා නිවසට සේන්දු විය. Sදු Bන්ඩා තෙදරු පියෙකි. ගොවිතැන හැර වෙනත් කිසිවකට යාමට ඔහුගේ රටේ ඉඩක් නොවීය. කූඩැල්ලන් ගැලවීමට කකුල් අතගාන ගමන් බණ්ඩා මෙසේ සිතීය.

කොළඹ ඉන්න මහත්තුරුන්ට වගේ අපිටත් නිකංම ඉදලා සල්ලි ගන්න.. ජැන්ඩියට ඇඳ පැලඳ‍ගෙන ගෙවල් ඇතුලට ගිහිල්ලා ලියන වැඩ කරලා කාසි හොයාගන්න පුලුවන්නම්... මේ හරක් බැලිල්ල නම් දැන් එපා වෙලා.. කන්න දෙකක් කුඹුර වැඩ කරගෙන ඉන්නවා නම් තමයි..

ඔහුට‍ මේ හඟුරන්කෙත ජීවිතය එපාවි තිබුණි.

ඒත් පොඩි එකෙක්වත් නුවරට පිටත් කරගන්න විදියක් නැති හැටි.. යනව නං ඉතිං කඩේක වැඩකට තමයි. ඔහුගේ ගැමිකම ගැන ඔහු නොසතුටුව ඇති බව පෙනේ. හැම දෑම මුන් කියන විදියට ඉන්ට එපායැ. සල්ලි තියෙන වුන් ළමයි වෙනම තැනකට ගාල් කරල උගන්නනවලු.

අපෙ වුන් ඉතිං ඔය මාදංවල පන්සලට ගිහිල්ල ඉගෙනගත්ත අකුරු සාත්තරේ තමයි. දරුවන් සියල්ල කසාද බැද ඇති බන්ඩාගේ පවුලට හිමි කුඹුරු කිහිපය ඔහුගේ දරුවන්ට ද බෙදී ඇත.

ලොකු එකාගෙත් දරුවා දැන් කුඹුරට තේ එහෙම ඇරගෙන යයි. උනුත් මේ මීහරක් චක්කරේම හැදි ගෑවි ගෑවි දුවාවි. අපට ඉතිං වෙන මො‍කොවත් කියල කරන්ටයැ. මේ හී හෑම හැර.

අවදි වන විට ඒසී කාම‍රයේ උව Sදු Bන්ඩාට දාඩිය දමා තිබුනි. පුද්ගලික වශ්වවිද්‍යාල පටන් නොගන්නට කටයුතු කරන්නට ඔහු තීරණය කර තිබුණි.

-විශ්ව-

Thursday, July 1, 2010

පදික වේදිකාවෙන් නික්ම ගිය සොයුරනි













නගර කොන් වල
උක්කුටිකයෙන් හිඳගෙන
බීඩි උරන සොයුරනි

අපිදු රොස් වී ඇත්තෙමු
ඇ‍ඟේ හැපෙන විට
කෑගසන විට

ඔබේ හඬ
කරදරය
අද නැත

ඔබේ දරුවන් හඬනවාද
අපි නොදන්නෙමු
උන්ද නොදන්නා සේ හිඳී

උඹලා ද නොදැන
උඹලා ගැන
ඔන් ලයින් කවි ද පල වෙයි

අපි නොදන්නෙමු
උඹලාගේ රෑ කෑම වේල ගැන

එහෙත්,
උන් දනියි
........................
සියල්ල.....!

-විශ්ව-
30/06/2010

Tuesday, June 29, 2010

පදික වෙළෙඳුනි


පැරණි බිත්ති මතුව

ගෙවුනු සිමෙන්ති පෙනේ...

ආශ්චර්යයකි.....

ඇපල් නැත.



-විශ්ව-
30/06/2010



Thursday, June 24, 2010

මගේ සාරය




ඔවුන්
මා මිරිකා
සාරය ගනියි...

ඉල ඇට ද
කොඳු ඇට ද
ඔළු ඇටද
පුපුරවමින්
මිරික මිරිකා එකතු කරයි

හැඩ ගසා
බ්‍රොයිලරයන් කරන පාසල
වැඩ දමයි දහම් පාසල

සිරිමත්ය පවුලට
පාඩම් කරති කෙළියට
පාස් කර කඩ ඉම
පැක්ටේරියට නිසි ලෙස

පැක්ටේරියයි මේ
ඔෆිස් කියා කියන
ටයි දමාගෙන ය එන්නේ
අමුඩෙත් මගේ නෙවෙයිනේ

ඒසී දමා දී
කැරකෙන පුටු වලට බර දී
මොනිටරයටම නෙත් දී
ජීවිතයම පැරදී

මා මිරිකා
සාරය ගනියි...

මා මිරිකා
සාරය ගනියි...

ඒ සාරය එක මිට ගෙන
එච්එස්බීසී හරහා
ස්ටෑන්ඩඩ් චාටට් හරහා
යුරෝපයට
සැප කොළඹට
කොළඹ 7 ට
ඇයි රජගෙට... ?

උන් මහ මාළිග නංවයි..
නවතා ඇත කඩ්ඩෙන්
නවතා ඇත විනයෙන්

කුඩා කාරයක ඒසී
නවතාලයි මා කේන්ති

ණය ගමු අප රොක් වෙලා
ක්‍රෙඩිට් කාඩ් එක් වෙලා

මුළු ලොවටම ඇහෙනා සේ
කෙසේ කෑගසම් සිත්සේ
එක පසෙක පියන්ය
අනෙක් පසෙහි යාලුවන්ය
පිටුපස මා කෙල්ල සිටී
ගැට්ට ඉදිරියෙන්ම සිටී

කෙසේ කෑගසම්ද මා
ටයි පටියක් ගෙල වටකර
ජෙල් කොණ්ඩය හිස වටකර

වෙනස් නොවේවි
මා කොණ්ඩය
බදින ටයි පටිය
පැදයන කුඩා කාරය
ගෙතුලටම වැදී
මා නෙතු පියන් වෙහෙසී
දිනක් ඒවිද මතු
බසින්නට එළියට
බලන්නට නිල්වන් සයුර
...........................
එතකොටම තව එකක්
මාසික ණය වාරිකය
වාහනයේ ෆිනෑන්සය
සෙනසුරාදා ගෙවෙයි
අයියෝ රෙදි සේදුමටම
හවස් වන විට
මිරිකා ගනිමි බෙල්ල
හෙට ඉරිදා
අනිද්දාට සූදානම්ව
සඳුදා වැඩ
...........................
යමි
සියල්ල හැරදා
රැස්වීමට
සෙල්ෆෝනය වසා
මොලයද වසා
සිරුරෙන්ම පමණක්
පෙනී සිටිනෙමි
.................
ටයි දමන් ඉන්න වුන්
දැන් ඉතිං හිතපියව්
කෑගසන ක්‍රමේ ගැන
හොයපියව්


-විශ්ව-

Tuesday, June 22, 2010

පිනි


ඉර සමග
හිනැහෙන
සඳේ කඳුළු